मलेसियामा एक नेपालीको मृत्यु

पर्वत, कात्तिक २१ –  रोजगारीका लागि  मलेसिया पुगेका पर्वतको बेउलीबास–२ डाँडाथोकका २८ वर्षका अशोक थापाको ज्यान गएको छ । मलेसियाकोे  जोहरवारुको पेकानान्सको सिमान कम्पनिमा कार्यरत थापाको गएको आइतबार  सुतिरहेको बेला खाटबाट खसेर ज्यान गएको हो  ।  

थापा दुई वर्ष अघि मलेसिया पुगेका थिए । पर्वतको हुवास गाविस हातेमालो चोकमा होटल व्यवसाय गर्दै आएका थापा होटल बन्द गरी मलेसिया गएका थिए । थापाको एक छोरा, एक छोरी र श्रीमती छन् ।

थापाको शवलाई मलेसियाको जोहरवाको सोल्टन अस्पतालमा राखिएको छ । केही दिनमै पोस्टमार्टम गरी घर पठाउने तयारी भैरहेको मलेसियामा रहेका रमेश भुर्तेलले जानकारी दिनुभयो ।