अर्जेन्टिना ब्राजिलसँग बराबरीमा रोकियो

कात्तिक २८ – विश्वकप छनौट प्रतियोगितामा अर्जेन्टिना र ब्राजिलले बराबरी खेलेका छन् । विश्वकप २०१८ को दक्षिण अमेरिका क्षेत्रको छनौट प्रतियोगिता अन्तर्गत शनिबार बिहान अर्जेन्टिनाको राजधानी ब्युनेस आएरमा भएको खेलमा ब्राजिलले घरेलु टोली अर्जेन्टिनालाई १–१ को बराबरीमा रोकेको हो । ३४ औं मिनेटमा एजिक्युल लाभेजीले गोल गर्दै अर्जेन्टिनालाई सुरुवाती अग्रता दिलाएका थिए । पहिलो हाफमा अर्जेन्टिना १–० ले अघि रहेपनि ५८ औं मिनेटमा ब्राजिलका लुकास लिमाले गोल गरेपछि खेल १–१ को बराबरीमा पुग्यो ।त्यसपछि दुवै तर्फबाट गोल नभएपछि खेल बराबरीमा सकियो । ८६ औं मिनेटमा डेभिड लुइज दोहोरो पहेँलो कार्ड खाँदै मैदानबाट बाहिरिएपछि ब्राजिल १० खेलाडीमा सिमित भएको थियो । अर्जेन्टिनाले अब छनौट प्रतियोगितामा आउँदो मंसिर १ मा कोलम्बियासँग तथा ब्राजिलले पेरुसँग खेल्नेछ ।