प्रचण्डलाई हृदयेशको आग्रहः ‘रिल्याक्स मुड’मा नबस्नुस्, वार्ताको पहल गर्नुस्

१३ माघ, काठमाडौं । मधेसी मोर्चाका नेता हृदयेश त्रिपाठीले एमाओवादी अध्यक्ष प्रचण्डलाई भेटेर वार्ता र सहमतिका लागि पहल गर्न आाग्रह गरेका छन् ।

तमलोपाका नेता त्रिपाठी प्रचण्डलाई भेट्न उनकै निवास लाजिम्पाट पुगेका थिए । भेटमा आफूले वार्ता र सहमतिका लागि पहल गर्न आग्रह गरेको त्रिपाठीले अननलाइनखबरलाई बताए ।

संविधान संशोधनपछि प्रमुख दलहरु अब आन्दोलन नै छैन भने जसरी बनेको उनको गुनासो थियो । ‘संविधान संशोधन पाए भएपछि कांग्रेस, एमाले र एमाओवादी रिल्याक्स मुडमा बस्नु भएको छ’ मोर्चाका नेता त्रिपाठीले भने-तर, हामी आन्दोलनमै छौं । सवार्ता र सहमतिका लागि पहल गर्नुस् भनेर उहाँं (प्रचण्ड)लाई आग्रह गरेको छ ।’

छलफलका क्रममा एमाओवादी अध्यक्ष प्रचण्डले भने नाकाको धर्ना खोल्न आग्रह गरेका थिए । जवाफमा त्रिपाठीले भने सीमांकनसहितका विषयमा सहमति गर्न आग्रह गरेका छन् । उनले भने-नाकामा धर्नासहितको हाम्रो आन्दोलन जारी नै छ । विषयवस्तु सम्बोधन नहुँदासम्म आन्दोलनमै रहन्छौं ।’

उपचारका लागि भारत गएका तमलोपा अध्यक्ष महन्थ ठाकुर बिहीबार काठमाडौं आउँदैछन् । यसपछि सहमतिको प्रयास फेरि सुरु हुने नेताहरूले बताएका छन् ।