एक घण्टा भित्रमै तीन अर्ब ९० करोड डलरको सामान बेचेर

कात्तिक २६ – चीनको अनलाइन बाणिज्य कम्पनी अलिबाबाले एक घण्टामा तीन अर्ब ९० करोड अमेरिकी डलरको सामान बेचेर नयाँ कीर्तिमान बनाएको छ । अलिबाबाले बुधबार एक घण्टा भित्रमै तीन अर्ब ९० करोड डलरको सामान बेचेर अघिल्लो वर्ष बनाएको आफ्नै कीर्तिमान तोडेको हो । गएको वर्ष एक घण्टामा भएको बिक्री भन्दा यो वर्ष दोब्बर भएको अलिबाबाले जनाएको छ । अलिबाबाले हरेक वर्ष नोभेम्बर ११ का दिन सिंगल डेको नामामा विभिन्न सामानको अनलाइन बिक्री खुल्ला गर्नेगर्छ । गएको वर्ष दिन भरीमा ९ अर्ब तीस करोड अमेरिकी डलरको व्यापार भएको थियो । सिंगल डे अर्थात डबल इलाभेन पनि भनिने यो दिन चीनका विभिन्न सामान बिक्री गर्ने बिक्रेताका लागि ठूलो अवसर हो ।

यो वर्ष सिंगल डेका लागि विश्वका २५ देशमा विभिन्न सामानका ३० हजार ब्राण्ड बिक्रीका लागि प्रस्ताव गरिएको अलिबाबाले जनाएको छ ।